Հիպերպլազիան շագանակագեղձի հյուսվածքի գերաճն է, որն աստիճանաբար ճնշելով միզուկն առաջացնում է միզարձակության խանգարումներ։ Շագանակագեղձի գերաճը կարող է լինել ինչպես բարորակ, այնպես էլ` չարորակ։

Շագանակագեղձի գերաճի առաջին նախանշաններից են՝

• Հաճախացած միզարձակություն,
• Կիսադատարկման զգացողություն,
• Գիշերային ժամերին երկու և ավելի անգամ միզարձակություն,
• Ընդհատվող, թույլ շիթով միզարձակությունը։

Այս խնդրով պացիենտների մեծ մասը կարևորություն չեն տալիս կամ նույնիսկ չեն նկատում տարիների ընթացքում միզարձակության փոփոխությունը, քանի որ շագանակագեղձի աճը դանդաղ պրոցես է։

Շագանակագեղձի գերաճի պատճառով կարող է առաջանալ սուր և քրոնիկական միզակապություն, ինչն ավելի է բարդացնում և երկարացնում բուժման ընթացքը։ Ուստի, առաջին իսկ նախանշանների դեպքում անհրաժեշտ է դիմել բժշկի։

45-ից բարձր տարիքային խմբի տղամարդկանց խորհուրդ է տրվում առնվազն տարին մեկ անգամ անցնել սքրինինգային հետազոտություններ`

շագանակագեղձի ՈՒՁՀ

PSA (պրոստատ սպեցիֆիկ անտիգեն)

ուրոֆլոումետրիա

Վաղ շրջանում շագանակագեղձի գերաճի 2 տիպերն էլ ավելի լավ են ենթարկվում բուժման, քան ուշացած դեպքերում։