Գրիպի և սուր շնչառական վարակների սեզոնի ընթացքում բարձրանում է թոքաբորբով հիվանդացության ռիսկը:

Արտահիվանդանոցային թոքաբորբը հաճախ հաջորդում է վերին շնչուղիների վարակին։

Որո՞նք են ռիսկի գործոնները, որ կարող են նպաստել ծանր ընթացքին`

♦  ծխելը,

♦հետևյալ հիվանդությունների առկայությունը՝ թոքերի քրոնիկ օբստրուկտիվ հիվանդություն, շաքարային դիաբետ, քրոնիկ սրտային անբավարարություն, քրոնիկ երիկամային հիվանդություն, լյարդի ցիռոզ, ալկոհոլի չարաշահում, թմրամոլություն, քաղցկեղ։

Գանգատները`

♦ հազ,

♦ դող,

♦ տենդ,

♦ հևոց,

♦ կրծքավանդակի ցավ,

♦ թարախային խորխ,

♦ ախորժակի վատացում,

♦ ընդհանուր թուլություն:

Ժամանակին բժշկի նշանակմամբ բուժումը սկսելու դեպքում պացիենտների մեծ մասի մոտ 48-ից 72 ժամվա ընթացքում դիտվում է կլինիկական կայունություն։